Welcome to Rokksafn | Rokksafn
IS EN

Velkomin á Rokksafn Íslands

Um safnið

Rokksafn Íslands er safn um sögu popp- og rokktónlistar á Íslandi. Safnið er staðsett í Hljómahöll í Reykjanesbæ. Á safninu er að finna tímalínu um sögu íslenskrar tónlistar á Íslandi allt frá árinu 1830 til dagsins í dag. Á safninu er að finna lítinn kvikmyndasal þar sem sýndar eru ýmsar heimildarmyndir um íslenska tónlist og hljóðbúr þar sem gestir geta leikið lausum hala og prófað rafmagnstrommusett, gítar, bassa og sungið í sérhönnuðum söngklefa. Á meðal þeirra muna sem eru að finna á safninu er trommusett Gunnars Jökuls Hákonarsonar sem var m.a. notað á meistaraverkinu ...Lifun með Trúbrot, kjól sem Emilíana Torrini klæddist í myndbandinu Jungle Drum, tréskúlptúr af reggí-hljómsveitinni Hjálmum, lúðrasveitarjakka sem Stuðmenn klæddust í myndinni Með allt á hreinu, kjól af Elly Vilhjálms, föt af Rúnari Júlíussyni, jakkaföt af Herberti Guðmundssyni, hljóðnema sem Megas söng í á tveimur plötum og þannig mætti lengi telja.

Rokkbúðin

Í Rokksafni Íslands er að finna Rokkbúðina en þar má finna ýmsan varning tengdan rokksögunni s.s. ævisögur um íslenska tónlistarmenn, bækur sem rekja sögu tónlistar á Íslandi, geisladiska, vínylplötur, íslenskar heimildarmyndir um tónlist, varning frá Sigur Rós, Björk, Of Monsters and Men, Páli Óskari, Björgvini Halldórssyni og mörgum fleiri, trommukjuða, gítarstrengi, gítarneglur, gítarsnúrur, heyrnartól, hátalara og svo auðvitað vinsælustu vöruna okkar - boli sem eru merktir Rokksafni Íslands - og margt margt fleira. Við mælum eindregið með heimsókn í Rokk-búðina.

Rokk-Café  -  „Einn bolla af rokki, takk“
Á safninu geta gestir sest niður, notið tónlistarsögunnar og fengið sér kaffibolla frá Kaffitár og eitthvað með því. Á safninu geta gestir einnig fengið te, gos, safa, sælgæti o.fl. 

„Það geta ekki allir verið gordjöss.“

Páll Óskar -2010

Upplýsingar

Aðgangseyrir :
1500 kr.
Opnunartími :
alla daga vikunnar 11:00-18:00

Aðgangseyrir fyrir eldri borgara/öryrkja: 1200 kr. Frítt er fyrir 16 ára & yngri í fylgd með fullorðnum.

Opið er alla daga ársins nema á nýársdag, föstudaginn langa, páskadag, aðfangadag jóla, jóladag og gamlársdag.

Rokkappið

Gestir safnsins geta fengið lánaða spjaldtölvu og heyrnartól við komuna á safnið. Á spjaldtölvunni er forrit sem við köllum Rokk-appið. Það gerir gestum kleift að kafa dýpra í söguna og hlusta á tónlist, horfa á tónlistarmyndbönd og viðtöl við þá tónlistarmenn sem fjallað er um á safninu. 

Kindin Einar var þá við vegabrúnina, búinn að bíta upp alla túnina. Fyrir hann var og ég keyrði hann í spað. Hann sagði dada, en meinti bada. Verst var það.

Hjálmar -2004

Hafðu samband

Tölvupóstur :
info@hljomaholl.is
Símanúmer :
420 1030

Við tökum vel á móti hópum á Rokksafni Íslands af öllum stærðum og gerðum! Rokksafn Íslands býður upp á góðan afslátt af aðgangseyri fyrir hópa sem fjölmörg fyrirtæki, hópar og félög hafa nýtt sér. Hafið samband við starfsfólk Hljómahallar til að fá nánari upplýsingar á info@hljomaholl.is eða í sími 420 1030. Hópaheimsóknir þarf að panta með að minnsta kosti tveggja daga fyrirvara.

Hvar finnurðu okkur?
Rokksafn Íslands er í Hljómahöll í Reykjanesbæ í um hálftíma akstursfjarlægð frá höfuðborgarsvæðinu. Heimilisfang: Hjallavegur 2, 260 Reykjanesbær.