IS EN

Velkomin á Rokksafn Íslands

Um safnið

Rokksafn Íslands er safn um sögu popp- og rokktónlistar á Íslandi. Safnið opnaði árið 2014 og er staðsett í Hljómahöll í Reykjanesbæ. Þar er finna tímalínu um sögu íslenskrar tónlistar á Íslandi allt frá árinu 1830 til dagsins í dag. Á safninu er að finna lítinn kvikmyndasal þar sem sýndar eru ýmsar heimildarmyndir um íslenska tónlist og hljóðbúr þar sem gestir geta leikið lausum hala og prófað rafmagnstrommusett, gítar, bassa og að syngja í sérhönnuðum söngklefa. Á meðal þeirra hluta sem eru að finna á safninu er trommusett Gunnars Jökuls sem notað var m.a. á meistaraverkinu ...Lifun með Trúbrot, kjól sem Emilíana Torrini klæddist í myndbandinu Jungle Drum, tréskúlptúr af reggí-hljómsveitinni Hjálmum, lúðrasveitarjakka sem Stuðmenn klæddust í myndinni Með allt á hreinu, kjól af Elly Vilhjálms, föt af Rúnari Júlíussyni, sex metra háar myndir af Hljómum, Björk, Sigur Rós og Of Monsters and Men og þannig mætti lengi telja.

Rokkbúðin

Í Rokksafni Íslands er að finna Rokkbúðina en þar má finna ýmsan varning tengdan Rokksafni Íslands, varning frá Sigur Rós, Björk, Of Monsters and Men og fleiri hljómsveitir. Auk þess er að finna geisladiska, vínylplötur, bækur, DVD-diska, trommukjuða, gítarstrengi, heyrnartól, hátalara og þannig mætti lengi telja.

„Það geta ekki allir verið gordjöss.“

Páll Óskar -2010

Upplýsingar

Aðgangseyrir :
1500 kr.
Opnunartími :
11:00-18:00

Aðgangseyrir fyrir eldri borgara/öryrkja: 1200 kr. Frítt fyrir 16 ára & yngri í fylgd með fullorðnum.

Rokk-Café - „Einn bolla af rokki, takk“
Á safninu geta gestir sest niður, notið tónlistarinnar og fengið sér frábæran kaffibolla frá Kaffitár sem er einmitt með höfuðstöðvar í Reykjanesbæ. Kaffitár leggur mikla ástríðu í kaffið og er það Rokksafninu mikil ánægja að bjóða gestum upp á kaffi frá Kaffitár. Á safninu geta gestir einnig fengið te, sódavatn, gos, safa og fleira.

Rokk-búðin
Á safninu geta gestir keypt alls kyns varning tengdan rokksögunni s.s. bækur, geisladiska, heimildarmyndir og boli merkta safninu. Við mælum með að enginn fari heim án þess að rokka sig aðeins upp af efni.

Rokkappið

Gestir safnsins fá lánaða spjaldtölvu og heyrnartól við komuna á safnið. Á spjaldtölvunni er forrit sem við köllum Rokk-appið. Það gerir gestum kleift að kafa dýpra í söguna og þá tónlistarmenn sem fjallað er um á safninu. Á veggjum safnins eru upplýsingar um sögu ákveðinna tímabila og tónlistarmenn en appið gerir gestum kleift að kafa enn dýpra í söguna. Í appinu er miklu meira af upplýsingum, hægt að hlusta á tónlist, horfa á tónlistarmyndbönd og viðtöl við tónlistarmenn.

Kindin Einar var þá við vegabrúnina, búinn að bíta upp alla túnina. Fyrir hann var og ég keyrði hann í spað. Hann sagði dada, en meinti bada. Verst var það.

Hjálmar -2004

Hafðu samband

Tölvupóstur :
info@hljomaholl.is
Símanúmer :
420 1030

Við tökum vel á móti hópum á Rokksafni Íslands af öllum stærðum og gerðum! Rokksafn Íslands býður upp á góðan afslátt af aðgangseyri fyrir hópa sem fjölmörg fyrirtæki, hópar og félög hafa nýtt sér. Hafið samband við starfsfólk Hljómahallar til að fá nánari upplýsingar á info@hljomaholl.is eða í sími 420 1030. Hópaheimsóknir þarf að panta með amk. tveggja daga fyrirvara.

Hvar finnurðu okkur?
Safnið er í Hljómahöll í Reykjanesbæ í um hálftíma aksturfjarlægð frá höfuðborgarsvæðinu. Heimilisfang: Hjallavegur 2, 260 Reykjanesbær.